سابق خاتون اول کی دوست بشری بی بی کا کیس نیب کے دائرہ اختیار میں آتا ہے، نیب

قومی احتساب بیورو  (نیب)  لاہور نے کہا ہے کہ سابق خاتون اول بشری بی بی کی دوست فرح خان کا کیس نیب کے دائرہ اختیار میں آتا ہے، نیب کسی بھی پبلک آفس ہولڈر یا اسکے اہلخانہ کے خلاف آمدن سے زائد اثاثوں کی انکوئری کا آغاز کر سکتا ہے۔

تفصیلات کے مطابق ترجمان نیب لاہور نے ایک اعلامیے میں فرح خان سے متعلق انکوائری پر آئینی و قانونی دائرہ اختیار کے حوالے سے وضاحت جاری کرتے ہوئے کہا ہے کہ نیب کسی بھی پبلک آفس ہولڈریا اس  کے اہل خانہ کے خلاف آمدن سے زائد اثاثہ جات پر قانون کے مطابق انکوائری کرسکتا ہے۔

نیب ترجمان کا کہنا ہے کہ فرح خان کے شوہراحسن جمیل گجر 1997 سے 1999 تک بطور چیئرمین ضلع کونسل گوجرانوالہ قومی عہدہ پر رہے،  آئین کے مطابق سابق عہدے دار یا انکے اہلخانہ کے خلاف کرپشن و مالی بدعنوانی کی شکایات نیب کے دائرہ اختیار میں آتی ہیں۔

یہ بھی پڑھیں: معروف تاجر شہزاد ریاض اومنی گروپ کے انور مجید کے نشانے پر آ گئے

ترجمان نیب لاہور  کے مطابق نیب ہیڈکوارٹر کی جانب سے فرح خان کے خلاف انکوائری کی منظوری قانون کے مطابق دی گئی، جس کی وضاحت اینٹی منی لانڈرنگ ایکٹ اورقومی احتساب آرڈیننس میں واضح ہے۔

اعلامیے میں نیب ترجمان کا مزید کہنا ہے کہ نیب ایک آزاد، خودمختار آئینی ادارہ ہے، مذکورہ کیس میں بھی قانون کے مطابق شفاف انداز میں انکوائری کی جائے گی۔