امریکی گلوکارہ اولیویا روڈریگو کو بل بورڈ نے ویمن آف دی ایئر قرار دیدیا

میوزک کے عالمی چارٹ مرتب کرنے والے ادارے بل بورڈ نے نامور امریکی گلوکارہ اولیویا روڈریگو کو بل بورڈ نے ویمن آف دی ایئر قرار دیدیا۔

گلوکارہ اولیویا روڈریگو کو بل بورڈ کی 2022 وومن آف دی ایئر کا خطاب حاصل کرنے کے لیے صرف ایک البم کی ضرورت تھی، جس نے انہیں ٹیلر سوئفٹ اور لیڈی گاگا کے مدمقابل لاکھڑا کیا۔

اولیویا روڈریگو کو 2 مارچ کو بل بورڈ ویمن ان میوزک ایوارڈز میں 2022 وومن آف دی ایئر کے طور پر اعزاز سے نوازا جائے گا۔ پچھلے اعزازات میں کارڈی بی، بلی ایلش اور آریانا گرانڈے بھی شامل ہیں۔

View this post on Instagram

A post shared by billboard (@billboard)

اس سے قبل امریکن میوزک ایوارڈز 2021کی تقریب میں سال کے بہترین فنکار (آرٹسٹ آف دی ائیر) کا اعزاز 7 رکنی کورین پاپ بینڈ بی ٹی ایس کے نام رہا جس کیلئے جواں سال فنکاروں نے بڑے بڑے ناموں کو شکست فاش سے دوچار کیا ہے۔

مزید پڑھیں:سی پرائم نے اپنی اوریجنل مختصر فلم ہل اسٹیشن آن لائن ریلیزکردی

جنوبی کوریا کے بینڈ بی ٹی ایس نے ایوارڈ حاصل کرنے کی دوڑ میں ٹیلر سوئفٹ، آریانا گرانڈ، اولیویا روڈریگو، دی ویکنڈ اور ریپر ڈریک جیسے بڑے ناموں کو پیچھے چھوڑ دیا۔ بی ٹی ایس کے کم نام جون کا کہنا تھا کہ ہمیں زبردست فنکاروں کے ساتھ پر فخر ہے۔

بینڈ کے مداحوں کو مخاطب کرتے ہوئے کم نام جون نے کہا کہ ہمارا سفر بہت طویل اور حیرت انگیز رہا۔سوائے آپ سب کے کوئی بھی یہ نہیں سوچ سکتا تھا کہ بی ٹی ایس یہ ایوارڈ حاصل کرنے کیلئے درکار تمام تر مشکلات جھیل سکتا ہے۔