گوگل نیوز پر ہمیں فالو کریںاسلام آباد: پاکستان میں کورونا کی وباء دوبارہ سر اٹھانے لگی، مزید 27 شہری جان سے گئے ، 1980 نئے کیسز ریکارڈ کئے گئے۔
این سی او سی کے مطابق گزشتہ 24 گھنٹوں کے دوران 48 ہزار 382ٹیسٹ کئے گئے جن میں سے 1980 افراد کے ٹیسٹ مثبت آئے جبکہ مثبت کیسز کی شرح 4 اعشاریہ صفرنو فیصد ریکارڈ کی گئی۔نیشنل کمانڈ اینڈکنٹرول سینٹر کے مطابق ملک بھر میں گزشتہ 24 گھنٹوں کے دوران کورونا وائرس میں مبتلا 27 افراد جان کی بازی ہارگئے۔
Statistics 11 Jul 21:
Total Tests in Last 24 Hours: 48,382
Positive Cases: 1980
Positivity % : 4.09%
Deaths : 27— NCOC (@OfficialNcoc) July 11, 2021
واضح رہے کہ پاکستان میں کورونا کیسز میں ایک بار پھراضافہ دیکھنے میں آرہا ہے اور ملک کے دیگر شہروں میں کورونا کیسز کی شرح 4 فیصد کے قریب جبکہ کراچی میں 11 فیصد سے تجاوز کرچکی ہے ۔
وزیراعظم عمران خان کاکہنا ہے کہ ملک میں کورونا کیسز میں کمی آتے آتے پھر اضافہ ہونا شروع ہوگیا جس سے کورونا کی چوتھی لہر کا خدشہ ہے،عوام نے احتیاط نہ کی تودوبارہ لاک ڈاؤن اورسخت فیصلوں کی طرف جاناپڑے گاجس سے غریب طبقے کا نقصان ہوتا ہے۔
وزیراعظم کا کہنا ہے کہ کورونا اپنی ہیئت مسلسل تبدیل کرتا رہا ہے، پاکستان سمیت دنیا بھر کے لیے بڑا مسئلہ بھارت سے پھیلنے والا کورونا وائرس ہے۔ اگر ہم چوتھی لہر سے نکل گئے تو ملک کو تباہی سے بچالیں گے۔
مزید پڑھیں: سندھ میں گزشتہ 24 گھنٹوں میں 1ہزار 91 نئے کیسز رپورٹ، 16 مزید مریض انتقال کرگئے
