شہزاد اکبر کی شکایت پرجہانگیر ترین گروپ کے رکن پنجاب اسمبلی نذیر چوہان گرفتار

لاہور: پولیس نے پاکستان تحریک انصاف کے ایم پی اے نذیر احمد چوہان کو وزیر اعظم کے معاون خصوصی برائے احتساب اور داخلہ شہزاد اکبر کی شکایت پر گرفتار کرلیا۔

اطلاعات کے مطابق پولیس نے وزیر اعظم کے معاون خصوصی برائے احتساب اور داخلہ شہزاداکبر کی شکایت پر پی ٹی آئی کے ایم پی اے نذیرچوہان کے خلاف مقدمہ درج کیا تھا جس کے بعدمنگل کے روز ایم پی اے کو گرفتار کیاگیا۔

نذیرچوہان حلقہ پی پی 167 سے پی ٹی آئی کے ٹکٹ پر منتخب ہوئے تھے ،گرفتار رکن پنجاب اسمبلی کو ایف آئی اے سائبر کرائم سیل منتقل کردیا گیا ہے۔

🙏@fawadchaudhry for your support, the hypocrisy and religious bigotry esp of corrupt should have no space in public. Thanks to public support FIR has been registered https://t.co/vUSdt7PAU1

— Mirza Shahzad Akbar (@ShazadAkbar) May 29, 2021

جہانگیر ترین گروپ نے ایم پی اے نذیرچوہان کی گرفتاری پر شدید ردعمل کا اظہار کیا ہے اوراس معاملے پر گروپ ممبران کی میٹنگ بلانے کا فیصلہ کیا ہے۔

ايم پی اے نذير چوہان کی گرفتاری پر جہانگیر ترین ہم خیال گروپ نے تشویش کا اظہار کیا ہے جبکہ ان کی پیشی کے موقع پر سیاسی پاور کا مظاہرہ کرنے کا فيصلہ کیا گیا ہے۔

واضح رہے کہ معاون خصوصی شہزاد اکبر نے نذیرچوہان کے خلاف 20 مئی کو ریس کورس پولیس اسٹیشن لاہور میں شکایت درج کروائی تھی کہ نذیرچوہان نے ایک ٹی وی ٹاک شو میں ان پر جھوٹے الزامات لگائے ہیں۔