گوگل نیوز پر ہمیں فالو کریںوفاقی وزیر سائنس و ٹیکنالوجی فواد چوہدری نے کہا ہے کہ حکومت نے میاں نوازشریف کے لیے بہت بڑا قدم اٹھایا ہے جبکہ مسلم لیگ (ن) کو چاہئے کہ اپنے تاحیات قائد کی گارنٹی کا بندوبست کرے۔
سماجی رابطے کی ویب سائٹ ٹوئٹر پر اپنے پیغام میں وزیر سائنس و ٹیکنالوجی فواد چوہدری نے کہا کہ شریف خاندان میں مسلم لیگ کی قیادت پر جنگ جاری ہے لیکن ن لیگ کو اب نواز شریف کی صحت پر سیاست نہیں کرنی چاہئے۔
وزیر سائنس و ٹیکنالوجی فواد چوہدری نے کہا کہ نواز شریف کی مثال پیپلز پارٹی کے شریک چیئرمین آصف زرداری اور دیگر کئی ملزمان بھی اپنے سامنے رکھیں گے لیکن بغیر کسی طریقۂ کار کے بیرونِ ملک بھیجنا عملاً ناممکن ہے۔
حکومت نے بہت بڑا قدم اٹھایا ہے شریف فیملی میں مسلم لیگ کی لیڈرشپ کی جنگ جاری ہے لیکن نون لیگ اب نواز شریف کی صحت پر سیاست نہ کرے اور گارنٹی کا بندوبست کرے ،نواز شریف کی مثال آصف زرداری اور کئ دیگر ملزمان بھی حاصل کرنا چاہئں گے بغیر کوئ پراسس اختیار کئے بھیجنا عملی طور پر ناممکن
— Ch Fawad Hussain (@fawadchaudhry) November 13, 2019
یاد رہے کہ سابق وزیر اعظم اور پاکستان مسلم لیگ (ن) کے تاحیات قائد میاں نواز شریف کا نام ایگزٹ کنٹرول لسٹ (ای سی ایل) سے نکالنے کے معاملے پر وفاقی وزراء میں اختلافِ رائے پایا جاتا ہے۔
وزیرا عظم عمران خان کے معاونِ خصوصی برائے سمندر پار پاکستانیز زلفی بخاری نے نواز شریف کا نام ای سی ایل سے نکالنے کی سب سے زیادہ مخالفت کی۔
وفاقی وزیر سائنس و ٹیکنالوجی فواد چوہدری بھی اس دوڑ میں پیچھے نہ رہے اور کہا کہ میں نے 16 سال وکالت کی ہے لیکن اس کے دوران ایسا کوئی موقع دیکھنے میں نہیں آیا۔
مزید پڑھیں: سابق وزیر اعظم نواز شریف کا نام ای سی ایل سے نکالنے پر وفاقی وزراء میں اختلاف
