حاملہ اوردودھ پلانے والی ماؤں کیلئے خصوصی کورونا ویکسینیشن کاؤنٹر قائم

اسلام آباد:انسانی ہمدردری کی بنیاد پر وزارت صحت نے حاملہ اوردودھ پلانے والی ماؤں کیلئے خصوصی کورونا ویکسینشن کاؤنٹر قائم کر دئیے۔

اس حوالے سے ترجمان وزارت صحت نے بتایا کہ پارلیمانی سیکرٹری ڈاکٹر نوشین حامد نے اسلام آباد میں کوویڈ ویکسینشن کیلئے 3خصوصی کاؤنٹر کا افتتاح کردیا ہے۔

ترجمان وزارت صحت کے مطابق نئے تین سینٹرز ایف 9پارک،ار ایچ ای ترلائی،فیڈرل جنرل ہسپتال میں قائم کئے گئے ہیں،اس موقع پر ڈی ایچ او اسلام آباد ڈاکٹر ضیعم ضیاء اورسمرا نور انیشی ایٹو کی بانی ڈاکٹر صائمہ خورشید بھی موجود تھیں۔

ویکسینیشن نہ کروانے کی صورت میں حمل کے دوران شدید بیماری اورموت جیسے خطرات کا سامنا کرنا پڑسکتا ہے لہٰذا فوری ویکسین لگوائیں۔ ڈاکٹر نوشین حامد نے کہاکہ وزارت صحت اور ڈبلیو ایچ او اس بات کی تصدیق کرچکے ہیں کہ کورونا ویکسین سے اولاد پیدا کرنے کی صلاحیت پرکوئی منفی اثر نہیں ہوتا۔

مزید پڑھیں: پاکستان میں کورونا کے 689 نئے کیسز رپورٹ، 18مزید شہری جاں بحق

انہوں نے کہا کہ اس حوالے سے بے بنیاد پروپیگنڈے میں کوئی حقیقت نہیں ہے، حاملہ خواتین بلا خوف و جھجھک کورونا ویکسین لگوائیں۔