گوگل نیوز پر ہمیں فالو کریںنواز شریف کی افغان وفد کے ساتھ ملاقات کی تصویر پر سخت تنقید کے بعد سماجی رابطے کی ویب سائٹ ٹوئٹر پر آرمی چیف جنرل قمر جاوید باجوہ اور افغانستان کے قومی سلامتی کے مشیر حمد اللہ محب کی تصویر شیئر کرتے ہوئے مریم نواز نے کیپشن میں لکھا ہے کہ “دونوں تصاویر اچھی ہیں یا نہیں؟”
سابق وزیر اعظم اور مسلم لیگ ن کے تاحیات قائد نواز شریف نے لندن میں افغانستان کے قومی سلامتی کے مشیر اور ان کے ساتھ آئے ہوئے وفد کے ساتھ ملاقات کی تھی ، جس کی تصویر سامنے آنے پر انہیں سخت تنقید کا نشانہ بنایا جارہا تھا، اور الزامات بھی عائد کیے جارہے تھے۔ حمد اللہ محب پاکستان کے خلاف ہرزاسرائی کی وجہ سے خاص شہرت رکھتے ہیں، اور انہوں نے کچھ عرصہ پاکستان کے خلاف غلیظ زبان بھی استعمال کی تھی جس پر پاکستان نے افغانستان سے شدید احتجاج بھی کیا تھا۔
Both pictures nice, no ? pic.twitter.com/W48qDlQD3J
— Maryam Nawaz Sharif (@MaryamNSharif) July 24, 2021
نواز شریف کی تصویر سامنے آنے کے بعد وفاقی وزرا کی جانب سے بھی مسلم لیگ کے تاحیات قائد پر بہت زیادہ تنقید کی گئی۔ شدید تنقید کے بعد مسلم لیگ ن کی نائب صدر نے بھی اس حوالے سے اپنا ردعمل دیا ہے۔
جب کہ انہوں نے والد کے ساتھ ملاقات کے علاوہ حمد اللہ محب کی آرمی چیف جنرل قمر جاوید باجوہ کے ساتھ تصویر بھی سماجی رابطے کی ویب سائٹ ٹوئٹر پر شیئر کی اور کہا کہ دونوں تصاویر اچھی ہیں ۔
واضح رہے کہ آرمی چیف اور حمد اللہ محب کے درمیان ملاقات مئی 2019 میں ہوئی تھی۔
Pakistan’s peaceful existence with its neighbours is the very foundation of Nawaz Sharif’s ideology for which he has worked tirelessly. pic.twitter.com/DqgLtNcLLI
— Maryam Nawaz Sharif (@MaryamNSharif) July 24, 2021
نواز شریف کی صاحبزادی نے اپنے ٹوئٹ میں مزید لکھا ہے کہ ” اپنے پڑوسیوں کے ساتھ پاکستان کا پرامن وجود نواز شریف کے نظریے کی اساس ہے جس کے لیے انہوں نے سخت محنت کی ہے۔
یہ بھی پڑھیں : سندھ میں 24 گھنٹوں میں 1683 نئے کورونا کیسز رپورٹ، 21 مریض جان کی بازی ہار گئے
